ஐஸ்-க்ரீம்

பொறுமை இல்லையா?

என்றோ ஒருநாள்

எடுத்துக் கொள்ளத்தானே

போகிறாய்

பொறுமை இல்லையா

என்றேன் நான்..

என்றோ ஒருநாள்

எடுத்துக் கொள்ளத்தானே

போகிறேன்

பொறுமை எதற்கு

என்றாய் நீ..

______________________________________________

உயிரே நீதானடா

ஐ லவ் யூ என்றான்

நன்றி என்றேன்

அடுத்தமுறை சொன்னான்

அடடா என்றேன்

மீண்டும் சொன்னான்

அடப்போடா என்றேன்

நான் உயிரையே

வைத்திருக்க

இவன் நேசம்

வைக்கிறானாம்.

___________________________________________

என்னை எங்கே?

என்னிடம் வந்த எவனோ ஒருவன்

என் சொந்தம், என்பந்தம், என் நட்பு

என்பகை எல்லாம் ஆகி என்னவனும் ஆகி

என்னை இல்லாமல் ஆக்கிவிட்டான்.
________________________________________

மோதிர அளவு மட்டும்...

மோதிர அளவு மட்டும்...

உன் விரல்களில் நான்
முத்தம் பதித்த போது
என் இதழ்
உன் விரலின் அளவு எடுத்தது
உண்மைதான்..
ஆனால்
எதையெதையோ பேசத் தெரிந்த
என் உதடுகளுக்கு
அந்த விரலின்
அளவு மட்டும் சொல்லத்
தெரியவில்லையே..
உதட்டில் உள்ளது..
ஆனால் அதை எப்படி
எண்ணாக மாற்றுவது?..

என்ன வேண்டும் உனக்கு

என்ன வேண்டும் உனக்கு..

உன் ரகசியம்
எனக்குத் தெரியும்
இருந்தாலும்
தெரியாதது போல்
நான் நடிக்கும்-
என் ரகசியமும்
உனக்குத் தெரியும்..

எல்லாமே மௌன
மொழியாய் எத்தனை
நாள் அவஸ்தை இது..
நீ கேட்டால்
நான் மாட்டேன்
என்றா சொல்வேன்..
கேட்டுத் தொலையேண்டா....

காத்திருக்கிறேன்..

காத்திருக்கிறேன்..

தொட்டுச் செல்லும்

அலைகள் உண்டு,
தொடர்ந்து வருடும்

தென்றல் உண்டு..

தொட்டுத் தழுவ

கரமும் இல்லை..
தொடுவதற்கு

வரமும் இல்லை

* * * *

சோகக் கவிதை..

என்னை
காதல் நதியில்
நீந்த வைக்க
யார் கவிதையோ
வாசிக்கத் தந்தாய்..

இன்று
சோகக்கடலில்
மூழ்கடிக்க
என்னையே
சோதித்துப் பார்க்கிறாயே.

* * * *

சோகக் கவிதை

(அதேதான். வேறு வார்த்தைகளில்)

நான்
காதல் கவிதை
எழுதுவதைப் பார்க்க
உனக்கு
ஆசை வந்தது சரி..

போதுமென்று,
சோகக் கவிதையும்
வருகிறதா என்ற
சோதனை செய்யும்
நேரமா இது?

உனக்காகவே நான்..

அவரவர்
தனித்தன்மை
விட்டுக் கொடுக்காமல்
வாழ்வில்
இணைவோம்
என்றாய் நீ..

என்
தனித்தன்மையே
உனக்காக விட்டுக்
கொடுப்பது தான்
என்றேன் நான்...

ஆரஞ்சு இல்லை

புதுவகை

பழங்களை
உற்பத்தி
செய்கிறார்களாம்...

அதற்காக

ஆரஞ்சு சுளைகள்
ரோஸ்
கலரில் இருப்பது
அநியாயம்.

நீ.. நீ மட்டுமே

என்னிடம் பேசாமல்

எதைப் பற்றி சிந்தனை

என்று கோபித்துக்

கொள்கிறாய்...

பேசிக் கொள்ளும் போது

ஏதேதோ சிந்தனைகள்..

பேசாமல் இருந்தால்

நீ மட்டும் தானே

நினைவில்.

நீ தானே, எந்தன்....

காதலி - மனைவி

தொலைவில் இருந்தாய்
இணைந்து இருந்தோம்..

அருகில் உள்ளாய்
பிரிந்து உள்ளோம்..

You are my passion..

You are the dream
I have always waited for..
I am so (un) lucky,
I am far away from you now…

In this message
you have my heart;
you have my soul;
you have my truths…

With you I have travelled,
not only into your world,
but deeper into my own..

Ours is a love
that has endured
hardships and joys,
for these ‘have been
the worst of times,
and the best of times’.

I love you so much,
and
hate you equally..

My dear OCEAN, always -
You are my passion….

- Ganesh, the sailor